ගෙවි ගිය සතිය

කොළඹ කොටස් වෙළෙඳ පොළ නමගිය ප්‍රමුඛ ආයෝජකයෝ අඛණ්ඩව දිගු නිහැඩිතාවයක් පෙන්වනු මේ වන විට දැකිය හැකි අතර ඒ නිසා කලක් ඔවුන් පසු පස හඹා ගිය සුළු පරිමාණ ආයෝජකයෝද කිසිදු වෙළෙඳ පොළ උත්තේජන පුවත් හා ක්‍රියාකාරිත්වයක් නොමැතිව තවදුරටත් නිසොල්මනේ සිටිනු මේ සතියේත් වැඩි මනක් දක්නට හැකි විය.

 

මෙහිදි වඩාත් විමසිල්ලට ලක් කළ යුතු කාරණාව වන්නේ මේ වෙළෙඳ පොළ නමගිය ආයෝජකයෝ මේ දිනවල මෙසේ දැඩි නිහඩත්වයක් අනුගමනය කරන්නේ ඇයි?ද යන්නයි.එහිදි රන්දොර කළ නිරික්ෂණයේදි ප්‍රත්‍යක්ෂ වුයේ පසුගිය දිනවල නියාමන රේගුලාසි දැඩි කරමින් ගෙන ගිය ක්‍රියා මාර්ග හමුවේ මොවුනගේ ඇතැමෙක් සිතා මතාම වෙළෙඳ පොළින් ඇත්ව සිටින බවයි.

 

එසේම තවදුරටත් වෙළෙඳ පොළේ පවත්නා සාපේක්ෂ ඉහළ පොළි අනුපාතද මේ කෙරෙහි බලපා ඇත.

 

මේ අනුව මහ බැංකුව උත්සාහ ගන්නේ පසුගිය දෙසැමිබර් සිට දෙවතාවකදි පදනම් අංක 75 කින් ස්වකිය ප්‍රතිපත්තිමය පොළිය අඩු කළ පදනමකින් හා ව්‍යවස්ථාමය සංචිත අනුපාත සියයට 8 සිට 6 දක්වා පහළ දැමු වටා පිටාවක තවදුරටත් පොළිය අඩු කිරිමට බැංකු කටයුතු නොකිරිම තුළ කෙසේ හෝ ඒ සදහා පෙළඹුමක් ඇති කර ගැනිමටයි.විශේෂයෙන් රාජ්‍ය අංශය පුද්ගලික අංශයෙන් පසුගිය මාස වල වැඩි වශයෙන් ණය ලබා ගැනිම තුළ පොළි අනුපාත ඉහළ යාමට වැඩි උත්තේජනයක් වෙළෙඳ පොළ ඉල්ලුම් සැපයුම් බලවේග මගින් මේ වන විට ලබා දි තිබිම මෙයට හේතුව වි ඇති බව විචාරක මතයයි.

 

මේ මස මහ බැංකුවේ මුදල් ප්‍රතිපත්ති විවරණය මෙම 16 දා නිකුත් විමට ඇති අතර එහිදි තවදුරටත් මහ  පොළ පොළි අනුපාත පවත්නා තත්ත්වයේම පවතිනු ඇතැයි විශ්ලේෂකයෝ අනාවැකි පළ කරයි.

 

ඒ අවම වශයෙන් ලබන සැප්තැම්බර් වන තුරුවත් යළි ප්‍රතිපත්තිමය වෙනසක් සිදු නොකරන බවට මහ බැංකු අධිපති නිවාඩි කබිරාල් පසුගියදා කර ඇති ප්‍රකාශ හමුවේය.

 

මේ වසරේ මුල් මාස 06 තුළ පුද්ගලික අංශයට ලබා දුන් ණය ප්‍රතිශතය සියයට 8.9 දක්වා පහත වැටි ඇති අතරේ මේ වසරේ අවසන එය සියයට 18 වේවි යැයි මහ බැංකුව අපේක්ෂා කරයි.

 

මේ අතරේ ,ශ්‍රී ලංකා සුරැකුම්පත් හා විනිමය කොමිෂන් සභා පණත් කෙටුමිපතට සිදු කරන සංශෝධන මේ වන විට අවසන් කර මුදල් අමාත්‍යාංශයේ අධික්ෂණයට යොමු කර ඇති බව දැන ගන්නට ඇති අතර එම සංශෝධන මගින් වෙළෙඳ පොළ නියාමන රේගුලාසි උල්ලංඝනය කරන්නවුනට සිවිල් හා අපරාධ යන ද්විත්ව නීති අනුවම දඩුවම් කළ හැකි පරිදි දැඩි විධි විධාන ගෙන ඒමට කටයුතු කරන බවද සදහන්ය.

 

 

දින සතරක සතිය නිමා කරමින් සියළු ප්‍රධාන දර්ශක අගයන් සෘණාත්මක අගයක් ගතතේය.

 

මෙහිදි හොද ඉපුයුම්,ඉහළ ලාභාංශ හා පහළ යන තෙල් මිලේ බලපැම් හමුවේ පිළිවෙලින් Textured Jersey,ඉන්දියන් ඔයිල් හා ලාෆ් ගෑස් කෙරෙහි ආයෝජන උනන්දුවක් දක්නට විය.

 

සියළු කොටස්  මිළ දර්ශක අගය ඒකක  3.1 කින් පහළ යමින් ඒකක  6,151.9 (-0.1%), ක් වු අතරේ  S&P SL20 දර්ශකය ඒකක  20.4 කින් පහළ යමින් ඒකක  3,470.2 (-0.6%) ක් විය.

 

දර්ශකයේ අගය පහළ යාමට Asian Hotels and Properties (-9.9%WoW), Carson Cumberbatch (-3.6% WoW), National Development Bank (-5.0% WoW), John Keells Holdings (-0.4% WoW) සහ Bukit Darah (-1.1% WoW) ප්‍රධාන වශයෙන් බලපාන ලදි.

 

සතියේ සාමාන්‍ය පිරිවැටුම හා ගනුදෙනු වු කොටස් ගණන  පිළිවෙලින් 43.0% සහ  28.0% කින් පහළ ගියේය. කෙසේවෙතත්,ආයතනගත හා මහ පරිමාණ ආයෝජකයෝ මෙන්ම විදේශ් ආයෝජක උනන්දුවක් සතිය පුරා යමි තරමකින් සක්‍රියව පවතිනු දක්නටද විය.

 

Chevron Lubricants Lanka හි ගිවිසගත් ගනුදෙනු කිහිපයක් රුපියල්  308.5, කට සිදු වනු දක්නට ලද වු අතරේ එහිදි ගනුදෙනු වු කොටස් වල වටිනාකම  රුපියල් මිලියන  284.1කි.

 

ඒ සමගින් John Keells Holdings මිළ රුපියල්  270.0 දක්වා විටෙක ඉහළ යමින් සතිය නිමා කළේ   0.4% කින් පහළ යමින් රුපියල්  265.0.කටය.

 

මේ අතරේ මධ්‍යසාර මිළ ගණන් ඉහළ ගියදා ඒ සදහා වන අනම්‍ය ඉල්ලුම් මැද වැඩි ඉපයුම් හා මේ මස ඉහළ ලාභාංශ මේ මස ප්‍රකාශයට පත් වේ යැයි විශ්වාශයෙන් ප්‍රකට ව්‍යාපාරික හැරි ජයවර්ධනට අයත් Distilleries හි උනන්දුවක් සතිය පුරා දක්නට විය.

 

ගිවිසගත ගනුදෙනු කිහිපයක්ද එහි දක්නට වු අතරේ ඒ අනුව එහි කොටසක අගය 2.6% කින් ඉහළ යමින් රුපියල්  195.10.කට දිනයේ ගනුදෙනු අවසන් කළේය.

 

ස්වකිය තරඟකාරි කිරිපිටි වල වස විෂ මුසු විමේ කතා බහ මැද  Nestle Lanka හැකි උපරිමයෙන් වාසි නෙලා ගනු මේ සතියේ දක්නට වු අනික් සුවිශේෂීතම සිදු විම විය.

 

ඒ අනුව එහි කොටස් 20,000 ක් ගිවිසගත් ගනුදෙනු මගින් හුවමාරු වු යේ සතියේ ඉහළම පිරිවැටුම් දායකත්වය ලබා දෙමිණි.

 

ඉන්දියන් ඔයිල් සමාගමේද ගිවිසුම්ගත ගනුදෙනු සක්‍රිය වනු දක්නට වු අතරේ එම සමාගම රුපියලක ලාභාංශයක් කොටසක් සදහා ප්‍රකාශයට පත් කරනුද දක්නට විය.

 

එහි කොටසක මිළ සියයට 0.8 කින් පහළ යමින් රුපියල් 26.20 කට සතියේ ගනුදෙනු අවසන් කළේය.

 

සතියේ වැඩියෙන්ම ගනුදෙනු වු කොටස් වුයේ මේ වන විට නිල නොවන ආකාරයෙන් ස්වකිය සමාගම් වල බංකොලොත්බව  ප්‍රකාශයට පත් කරමින් කොටසක අගය රුපියලක මටිටමකට වැටි ඇති මොහොමඩ් රිෂාන් ගේ පී.සී හවුස් හා Central Investment and Finance යන සමාගම්ය.

 

ඒ සමගින්  Access Engineering සහ  Textured Jersey වෙතද සුළු හා මහ පරිමාණ ආයෝජක ඇස යොමුවනු දක්නට විය.

 

 

සතියේ විදේශ් ගැණුම් රුපියල් මිලියන 929.7 ක් වු අතරේ විකුණුම්  රුපියල් මිලියන 567.3 ක් විය. වෙළෙඳ පොළ ප්‍රාග්ධනිකරණය රුපියල් බිලියන  2,367.5 ක් විය.වෙළෙඳ පොළ මේ වසරේ මේ වන විට සියයට 9 කින් වර්ධනය වි ඇත.සතියේ  සාමාන්‍ය පිරිවැටුම රුපියල් මිලියන 460 ක් විය.

 

 

from 

Agranath Umayanga

Investment Advisor

TKS Securities (PVT) Limited

Read More

ගෙවි ගිය සතිය

ගෙවි ගිය සතිය ප්‍රධාන වශයෙන්ම ගිවිසගත් ගනුදෙනු මත යැපුන සතියක් වු අතර ඒ නිසා ආයතනගත ආයෝජකයින් හා විදේශ් ආයෝජකයින් සතියේ වෙළෙඳ පොළ පෙරළි කරනු දක්නට විය.මෙහිදි විදේශ විකුණුමි වැඩි වශයෙන් දක්නට හැකි විය.

සුළු පරිමාණ ආයෝජකයින් සතිය පුරාවට නිසොල්මනේ සිටිනු දක්නට වු අතර එහිදි පසුගිය දිනවල කරළියට පැමිණි ණයකර නිකුතු දෙස ඔවුන් වැඩි අවධානයකින් කටයුතු කළ බව තැරුවිකාර විශ්වාශයයි.බද්දෙන් තොර විම මෙම ණය කර වෙත වැඩි ආකර්ශණයක් ලැබිමට හේතු වුවද ඒවායේ අවම දායකත්වයන් ඉහළ රුපියල් අගයකට බොහෝ විට සිමා වි තිබිම නිසා සාමාන්‍ය ආයෝජකයින් ඒවායින් ඈත් කරන්නට ද වු බව මධ්‍යස්ථ විචාරකයෝ පවසති.

සතියේ සක්‍රිය වු සමාගම් අතරේ මහඟුසතු සමාගම් වන  John Keells Holdings,Commercial Bank, Distilleries සහ  Ceylon Tobacco Company ප්‍රධාන වුවද ඒවායේ මිළ ගණන් පහළ අගයක පැවතිණි.

සතියේ වඩාත් කතා බහට ලක් වු ගනුදෙනුව වුයේ ජෝන් කීල්ස් සමාගමේ කොටස් මිලියන 10 ක් විදේශ විදේශ ගිවිසගත් ගනුදෙනුවකින් අයිතියේ හුවමාරු විමයි.තහවුරු නොකල ආරංච් මාර්ග පැවසුවේ ජෝන් කීල්ස් සමාගමේ වත්මන් වැඩිම කොටස් ලාභීයා වන ජෙනස් අරමුදල විසින් මෙම කොටස් මැලේසියානු රජයේ ආයෝජන අංශය වන කසානා වෙත විකුණා දැමු බවයි.

මේ වන විට ජෝන් කීල්ස් සමාගමේ සියයට 10.1 ක කොටස් ප්‍රමානයක් හෙවත් වැඩිම කොටස් ප්‍රමානය ජේනස්  ඕවර්සීස් අරමුදල  (Janus Overseas Fund ) සතුව ඇති අතර  මැලේසියානු රජයේ ආයෝජන ව්‍යුහාත්මක අරමුදල වන Khazanah Nasional Berhad සතුවද සැලකිය යුතු කොටස් ප්‍රමානයක් ඇත.

මෙයට අමතරව සෝලි කැප්ටන් සතුව සියයට 9.6 ක කොටස් ප්‍රමානයක් ඇත.

ඩොලර් මිලියන 640 ක ආයෝජනයකින් ජෝන් කිල්ස් සමාගම, විදේශ ප්‍රාග්ධන ආයෝජනයකින්  කොළඹ කොමිපඤ්ඤවිදියේ එලිෆන්ට් හවුස් අසල  ඉදි කිරිමට යෝජිත තරු පංතියේ හෝටල් සංකීර්ණය සදහා  එළඹෙන සතියේ ආයෝජන මණ්ඩල ගිවිසුම් අස්සන් කරන බව ජෝන් කීල්ස් සමාගම පවසයි.මේ අතරේ මේ සදහා මෙරට කැසිනෝ බලපත්‍රයක් ඇති පාර්ශවයක් හා ඔවුන් එකඟතාවයනට ඒමට අදහස් කර ඇති බවටද දැඩි රාවයක් පසුගිය සතියේ පැතිර ගියේය.

මේ අතරේ,මොහොමඩ් රිෂාන් සභාපතිත්වය දරණ පී.සී හවුස් සමාගමද දැඩි විකුණුමි පිඩනයකට ලක් ව එහි කොටසක  මිළ රුපියල් 1.90-2.00 දක්වා පහත යනු පෙනි ගියේය.

 එහිදි එහි  කොටස් මිලියන 07 ක් පසුගිය සතියේ එහි හිමිකරුවන් විසින් වෙළෙඳ පොළේ විකුණා දැමු බව එන්.ඩි.බි කොටස් තැරුවිකාර සමාගම ට සම්බන්ධ අංශ රන්දොරට තහවුරු කළේය.කෙසේවෙතත්,ඒ කියමන තහවුරු කිරිමට කොටස් වෙළෙඳ පොළ රේගුලාසි අනුව යම්න් මේ දක්වා එයට අදාලව කිසිදු කොටස් වෙළෙඳ පොළ නිවේදනයක් නිකුත් වි නැති අතර තවදුරටත් පී.සී හවුස් සමාගමේ අභ්‍යන්තර ආරංච් මාර්ග පවසන්නේ ණය උගුලක සිරවි සිටින මෙම සමාගම අදාල ණය පියවිම් වෙනුවෙන් මෙම කොටස් විකුණා දමන්නට ඇති බවයි.

නමුත්,රන්දොර මේ පිළිබඳව පී.සී හවුස් අධිපති මොහොමඩ් රිෂාන් ගෙන් කළ විමසිමේදි ඔහු සදහන් කළේ පසුගිය සතියේ තමා ලංකාවේ නොසිටි බැවින් මේ කොටස් විකුණා දැමුවේ කවුද?කියා තමා නොදන්නා බවයි.තමා එලෙස ණය පිඩනයකට හසුව ඇති බවට වන කතාද හෙතෙම ප්‍රතික්ෂේප කළේය.

පසුගිය මාර්තු කාර්තුවේ රුපියල් මිලියන 395 ක පාඩු ලද පී.සී හවුස් සමාගමේ මිලියන 7.5 ක් හෙවත් සියයට 3.3 ක කොටස් අයිතියකට හිමිකම් කියමින් එහි සිවි වැනියට වැඩිම කොටස් කරුවා බවට පත් ව ඇත්තේ මෙරට අතිමහත් පුද්ගලික අංශයේ දහඩිය මහන්සිය මත ගොඩ නැගු දිවයිනේ විශාලතම විශ්‍රාමික අරමුදල වන සේවක අර්ථීසාධක අරමුදල බව එහි ගිණුමි නිරික්ෂණයේදි අනාවරණය වේ.

මේ මිළදි ගැනිමි සේවක අර්ථීසාධක අරමුදල විසින් මේ වසරේ ජනවාරි-මාර්තු කාලයේ සිදු කර ඇත්තේ පී.සී හවුස් සමාගමේ 2012 දෙසැම්බර් කාර්තුවේ ලාභය රුපියල් මිලියන 9 සිට 2013 මාර්තු  කාලයේ රුපියල් මිලියන 395 ක් දක්වා අලාභ ලබන තත්ත්වයකට පත් වෙමින් තිබියදිය.

මේ අනුව පසුගිය මාර්තු කාර්තුවේ මේ සමාගමේ කොටසක ඉපයුම සෘණ 1.73 දක්වා දැවැන්ත පසුබැස්මකට ලක්ව ඇත.

සේවක අර්ථීසාධක අරමුදල පසුගිය කාලයේ සිදු කළ ආයෝජන ඉතාමත් ආන්දෝලාත්මක වු අතර විශේෂයෙන් ලාෆ් ගෑස් සමාගමේ කොටස් මිළදි ගැනිමට අදාලව මේ වන විට අල්ලස් කොමිෂමට පැමිණිල්ලක්ද කර ඇත.නමුත් අන්තර් සමාගම් සේවක සංගමයේ වසන්ත සමරසිංහ මහතා ප්‍රකාශ කළේ මේ දක්වා එයට අදාලව කිසිදු සාක්ෂී කැදවිමක් පවා කර නැති බවයි.

අඩු උනන්දුවක් මත වුවද සුළු පරිමාණ ආයෝජක ඇස පසුගිය ඉරිදා සන්ඩේ ටයිමිස් පුවත් පතේ පළවු පුවතක් නිසා  Nanda Investments and Finance වෙත සතිය පුරා යොමුව තිබුණි. එම පුවත් පත වාර්තා කළේ එහි අයිතියේ වෙනසක් ළඟදිම සිදු වන බවයි.නව සාමාන්‍යාධිකාරිවරයෙකුද මේ සතියේ නන්ද මුදල් සමාගමට එක් විය.ඒ සමගින්  Kelsey Developments , MTD Walkers හා ගෙවුන සිකුරාදා පීපල්ස් ලීසිං වෙතද ආයෝජක උනන්දුවක් තිබිණි. පීපල්ස් ලීසිං මේ වන විට ස්වකීය අරමුදල් අවශ්‍යතා තර කර ගැනිම සදහා දැඩි වෙහෙසකර ගමනකට අවතීර්ණ වි ඇත.

අසංග සෙනවිරත්න මහතා  මුළිකත්වය දෙන Anilana Hotels & Properties (AHAPL) හි මුළික කොටස් නිකුතුව මුල් අදියරේ සාර්ථකත්වයක් ලබමින් රුපියල් 486,565,200ක් රැස් කර අවසන් වු බවද සමාගම නිවේදනය කළේය.කෙසේවෙතත්,සමාගමේ අරමුණ වුයේ මේ නිකුතුව හරහා රුපියල් මිලියන 960 ක් රැස් කර එහි වත්මනෙහි පවත්නා ණය බරද ලිහිල් කරවා ගැනිමටයි.නමුත් පවත්නා තත්ත්වය අනුව ඒ ඉලක්ක මේ වන විට සපුරා ගැනිමට සමාගම අපොහොසත් වි ඇත.මෙම නිකුතුව පිළිබඳව තැරුවිකාර හා ආයෝජන ප්‍රජාව අතරේ එතරම් ධනාත්මක ප්‍රතිචාරයක් නොතිබිම මෙම අසාර්ථක බවට හේතු වු බව විචාරක මතයයි. 

මෙම අසංග සෙනවිරත්නට අයත් නේෂන් ලංකා මුදල් සමාගමේ කොටස්ද මේ වන විට දරුණු බිද වැටිමකට ලක්ව ඇති අතර ඒ අනුව පසුගිය සිකුරාදා එහි කොටසක මිළ රුපියල් 9.30 දක්වා පහළ වැටි තිබුනේ එහි තැන්පතු රැස් කරවා ගැනිමට දැඩි මාධ්‍ය ප්‍රචාරයක් දි ඇති පසුබිමකය.

මේ වන විට මෙම සමාගම පැරණි සෙලින්කෝ මුදල් සමාගම ලෙස පැවති සමයේ රැස් කල තැන්පතු වලින් රුපියල් මිලියන 420 ක් නිශ්ඡන්ද කොටස් බවට පත් කරන බව ශ්‍රී ලංකා මහ බැංකුව හා සමාගමේ පාර්ශවයන්ද රන්දොරට සහතික කර ඇත.මේ වන විට RAM ණය ශ්‍රේණිගත කිරිමේ සමාගම විසින් මෙම සමාගම වෙ ලබා දි ඇත්තේ ඉහළ ණය පැහැර හැරිමේ අවධානමක් ඇති ආයෝජන නොවන කාණ්ඩයේ C- ඉහළ අවධානම් ණය ශ්‍රේණියකි.

මෙහි කොටස් බලපත්‍ර කොටස් බවට පත් කිරිමේ අවසන් දිනය ජුලි 01 දා වන නමුත් එහිදි කොටසක් බවට පත් කිරිමට ගෙවිය යුතු මිළ වන්නේ රුපියල් 12 කි.නමුත් මේ වන විට ඊට වඩා අඩු මිළකට කොටස් වෙළෙඳ පොළේ  එහි කොටසක් මිළදි ගැනිමට අවස්ථාව ඇති විටෙක් ඉදිරි සති දෙක අතුළත මෙලෙස රුපියල් 12 ක් ගෙවා තම කොටස් බලපත්‍ර කොටස් බවට පත් කිරිමට කටයුතු කරන්නේ කවර ආයෝජකයින්දැයි විශ්ලේෂකයෝ ප්‍රශ්ණ කරති.

මේ නිසා ප්‍රාතිහාර්යකින් ඉදිරි දින කිහිපය තුල අවම වශයෙන් එහි කොටසක මිළ රුපියල් 12 ඉක්මවා මිළ නියම වන වටාපිටාවකදි හැර මේ කොටස් බලපත්‍ර කොටස් බවට පරිවර්තනය කර සමාගම රැස් කිරිමට අපේක්ෂා කළ අමතර ප්‍රාග්ධනය රැස් කිරිම මේ වන විට දැඩි අභීයෝගයක්ව පවති.

මේ අතරේ ඉදිරි සතියේ පැවැත්විමට නියමිත කොළඹ කොටස් වෙළෙඳ පොළ අධ්‍යක්ෂ මණ්ඩල රැස්විමේදි අසංග සෙනෙවිරත්න මහතා නේෂන් ලංකා කොටස් තැරුවිකාර සමාගම නියෝජනය කරමින් එහි අධ්‍යක්ෂ මණ්ඩලයටද පත් විමට නියමිත බව මාධ්‍ය වාර්තා කියයි.

මෙවැනි පසුබිමක නේෂන් ලංකා හා Anilana Hotels & Properties කොටස් දෙස ඉදිරියේදි වෙළෙඳ පොළ ආයෝජකයින් දැඩි අවධානයකින් කටයුතු කරනු ඇතැයි විචාරකයෝ පවසති.

රුපියලේ වැටිම

ගෙවිගිය සිකුරාදා ඇමෙරිකාණු ඩොලරයට සාපේක්ෂව රුපියලේ අගය යළි පහළ වැටෙනු පෙනි ගියේය.කොටස් වෙළෙඳ පොළ මත රැදුණ ඩොලර් ඉල්ලුම අනුව රුපියල මෙලෙස සිකුරාදා උදැසන පහළ ගිය මුත් අපනයනකරුවන් ඩොලර් විකිණිම හමුවේ ඒ තත්ත්වය පසුව තරමක් සමනය වු බව මුදල් වෙළෙදුන් ප්‍රකාශ කර සිටියහ.

මේ අනුව සිකුරාදා උදැසන ඩොලරයක අගය රුපියල්  129.00/10 දක්වා දෙසැමිබර් 04 දායින් පසු පහළම අගයට පසු බැස්සද පසුව එය රපියල්  128.90/95, මටිටමක ස්ථාවර වුයේ පෙර දනට සාපේක්ෂව සියයට 0.4 කින් පහළ යමිණි.

තවදුරටත් රුපියල බිද වැටිමේ ප්‍රවනතාවයක් ඇතැයි කියන මෙම වෙළෙදුන් මෙහිදි විදේශ කොටස්  වෙළෙඳ පොළ ආයෝජකයින් කල් තබා ඩොලර් වෙන් කර තබා ගැනිම මෙයට හේතුව බවද පවසති.එසේම විදේශ ආයෝජකයින් නැගිගෙන එන ආර්ථීකයන්හි ධනාත්මක ප්‍රවනතා මත දේශිය සුරැකුමිපත් වෙළෙඳ පොළ ආයෝජනද යමි තරමකින් ඉවත් කරගෙන යන ප්‍රවනතාවයක් මතුව ඇති බවද  ඔවුහු පවසති.

මහ බැංකුව විදේශ විනිමය වෙළෙඳ පොළට මැදිහත් විමෙන් පසුගිය වසරේ ඉවත් විමත් සමගම රුපියලේ අගය ඒ වසරේ සියයට 10.7 කින් බිද වැටෙද්දි මේ වසරේ මේ දක්වා එය සියයට 1.1 කින්  රුපියල ඇමෙරිකාණු ඩොලරයට සාපේක්ෂව බිද  වැටි ඇත.

Agranath Umayanga

Investment officer

TKS Securities (PVT) Limited

Level 19, East Tower, World Trade Center, Colombo 01, Sri Lanka.

Telephone +94 117 857 792 | Mobile +94 715915152| Fax +94 117 857 857

Read More